الزواج من محجبة او متبرجة :

 

الزواج من محجبة او متبرجة  :

ملي كتكون ملتزم او ملتحي و كتطلب من متبرجة الزواج اول حاجة كتقول ليك انا غير محجبة او انا مبغاش نتحجب . او هادشي علاش بغيت نتكلم اليوم على قضية الزواج من الحجبة او المتبرجة .

اولا ما هو الافضل الزواج من محجبة او متبرجة ؟

ثانيا واش ممكن انسان متدين يتزوج بمتبرجة والا تزوجو واش غينجح الزواج اول لا ؟

و ثالثا التزوجتي بانسان ملتزم واش غد واحد النهار يبزز عليك الحجاب اول لا ؟ و ال قال ليك انا ماعندي سوق فالحجاب هل هو صادق ام لا ؟

او دبا عطيني تركيزك مزيان لانني غادي نعطيك معلومات مهمة جدا صعيب تلقاي يعطيك هاد المعلومات .

اولا ما هو الافضل الزواج من محجبة او متبرجة ؟

بالنسبة للبنات المتبرجات عندهم واحد لافونتاج انها كاتكون كتبين المحاسن ديالها هادشي علاش ممكن يتشهاها انسان سواء كان ملتزم او غير ملتزم . و الكان ملتزم بعدم ممارسة الحوى مع غير زوجته غد يبغي يتزوج بها الكان غير متزوج .

و كانسان ملتزم بالشريعة الاسلامية غد يبغيها تلبس الحجاب و غد يطلبها تلبس الحجاب و ال قبلات غد ينتهي المشكل , على الاقل فالاول . لانها هي المكانتش دارة الحجاب عن قناعة او فقط من اجل ان تتزوج ممكن يوقع لهل تصارع داخلي و يعود المشكل مرة اخى .

كيبقى الكانت البنت مباغاش تدر الحجاب , اما ان هذا الشخص يصرف النظر عن الزواج بهاد الانسانة و انتهى الامر .

كتبقى الحالة الاخيرة و هي الحالة الاكثر تعقيدا الهو تنازل و قبل انو يتزوج بهاد الانسانة لانها عجباتو اما شكلا او مضمونا _ يعني فتفكيرها و شخصيتها الخ .... او عجباتو شكلا او مضمونا . فهاد الحالة واش ممكن تنجح العلاقة ام لا ؟؟

في كل الحالات السابقة كنت اتكلم بشكل عام اما في هاذه الحالة ساتكلم بشكل شخصي و غنتكلم على راسي :

بالنسبة لي لا افرق البنات بين محجبة و غير محجبة و لكن اميز البنات بين مؤمنة و غير مؤمنة .  العرفت بان البنت / المراة انها مؤمنة نتزوج بها سواء كانت محجبة او غير محجبة و سواء كانت عازبة او مطلقة سواء كانت متقوبة او عذراء و سواء كانت صغر مني او قدي او كبر مني  و هادي كلها ماشي معايير بالنسبة لي لاختيار الزوجة . و لكن عندي شروط اخرى اصعب من هاد الشروط و ضرورة بالنسبة لي : من اهم هاد الشروط هي الصدق و الصراحة . اما بالنسبة للحب و التفاهم فهو من اهم  الشروط بطبيعة الحال .