اسس الحياة الزوجية الناجحة :

 

اسس الحياة الزوجية الناجحة :

قبل منتكلم على اسس الحياة الزوجية الناجحة بغيت نكول ان اخطر حاجة فالعلاقة هو انك ترتبط بشخص يكون عندو حياة بدون  هدف .

الكان الراجل او المرا ناجح فالحياة فهذا يؤهله للنجاح  فالحياة الزوجية . اما لمناجح بوحدو  كفاش غينجح فالكوبل , و كفاش غينجح الكوبل .

الكوبل هو فريق عمل , و انجاحه اصعب من انك تنجح لراسك .

1-       اون كوبل ماشي هي سيليباتير : من خلال تجربتي مع العيالات عرفت بانه كان واحد النوع تالعيالات كتبغي تكون اون كوبل و فنفس الوقت سيليباتير . كتبغي تستافد من امتيازات الكوبل و تحتافظ على ميزة السليباتير . الكنتي مزوجة راه مكتبقايش ديالت راسك . كتولي مشروكة فحياتك مع واحد الشخص . انا عارفتكوم مبركنات غد نبسط و نعطيك واحد  المثال . الكنتي عندك دارك بوحدك ممكن تنعسي وقت ما بغيتي تفيقي اوقتما بغيتي تمزكي اوقتما بغيتي يعني الحرية التامة . اما الكنتي ياكنة فبيت ول  بارطما صغيرة كوزينة و حدة طواليت وحدا بيت نعاس واحد و اختاريتي لسبب ما انك تشاركي البارتمي مع شخص اخر : اختك و ل صاحبتك و لماشي شغلنا حنا شكون .  المهم في هذه الحالة و اش تقدري تنعسي وقتما بغيتي و تدخلي للكوزينة اوقتما بغيتي ؟؟؟ الخ...

2-        دستور الحياة الزوجية : المكنتوش مفاهمات نتي و صاحبتك راه غد تقلبوها سباط  من النهار الاول و غد اما تخاصمو و ل تضاربو . للعيش في سلام مع شخص اخر لابد من وضع تفاهمات في ادق تفاصيل الحياة حتى لا يحدث نزاع او شجار او فراق في حالة لم يتم النجاح في فض النزاعات . يعني لابد من دستور للحياة الزوجية يتم تحديد فيه  تفاصيل كل شيء من الف الى ياء بما في ذلك الية لفض النزاع .

3-         شخصين في حياة واحدة : من ابجديات الحياة الزوجية الناجحة هي ان الكوبل خصهم تكون عندهم حياة واحدة . يعني الراجل و المرا يكونو كيعيشو حياة مشتركة و عندهم اهتمامات مشتركة . و هذا لا يعني انه مش ممكن كل واحد تكون عندو خصوصوياتو و خدمتو و صحابو بوحدو .  فالكوبل الناجح ممكن يكون الراجل عندهم خدمة وحدة حياة مشتركة كاملة و ممكن يكون كل واحد مستقل و لكن عندهم حياة مشتركة و هذا اشبه ما يكون بالكونفيديراليات بالنسبة للدول . و لكن المكانتش الثقة ميمكنش النموذج الثاني ينجح . انا ملي كانشوف راجل و مرا مزوجين ملي المرا تمرض الراجل ميتسوقش ليها اول ملي الراجل يكون عندو مشكل المرا مترفدش ليه الهم . هذا ماشي كوبل : هادو جوج تالناس عايشين مع بعضياتهم بزز الله يفك صراحهم .

4-       عندي باقي بزاف منقول ليك الكنتي مهتمة وبغيتي تكملي معايا عملي متابعة و اعجاب وغد نزيد نشرح الاسرار ال الرجال مبغاوكش تعريفيها عن حياتهم  الجنسية السرية بعد  الزواج